Почетна Струмица Њуз

ОО СДСМ: Локалните функционери на ВМРО-ДПМНЕ ги окупираа сите институции (Видео)

Она што го прават Никола Груевски и неговите соработници во ВМРО-ДПМНЕ преку медиумите под нивна контрола, е уште една потврда на паниката во нивните редови, изјави денеска Илија Патриков, секретар на ОО СДСМ Струмица.

Во родолжение целата прес конференција:

Груевски и ВМРО-ДПМНЕ се подготвени да манипулираат со `се што можат за да го покријат криминално – корупцискиот начин на којшто владееле и добивале избори, злоупотребувавајки ги буквално сите државни институции за лични и партиски цели.

Еве мал дел од многуте непотистички вработувања во државните институции само на дел од функционерите на ВМРО-ДПМНЕ во Струмица.

Зоран Пакетов – претседател на ОК на ВМРО-ДПМНЕ во Струмица ги вработи: сопругата Билјана Пакетова како инспекторка во Дирекцијата за храна, братот Алчександар Пакетов во Музејот во Струмица, снаата Лидија Пакетова во УЈП, првиот братучед Јосе Василев, инаку претседател на месен комитет на ВМРО-ДПМНЕ, во Центарот за вработување, Тони Митров, кумашинот на актуелниот пратеник Васил Пишев е вработен во УЈП.

Зулијана Иванова, актуелна советничка во Советот на Општина Струмица и другарка на актуелната пратеничка Силвана Бонева е вработена како началник во Министерството за земјоделство, нејзината ќерка која се школуваше на државен трошок е вработена во МВР, а сопругот на Зулијана, Ванчо Иванов е вработен во Шумската полиција.

Миро Топчев – советникот во општина Струмива е вработен во УЈП. Веселинка Ристовска, актуелна советничка во Општина Струмица е вработена во Центарот за вработување во Струмица. Тинка Стојанова, актуелнна советничка во Општина Струмица ја вработи својата ќерка Недица Иванова во Државниот архив во Струмица. Костадин Шолев, актуелен советник се вработи во Министерството за труд и социјална политика.

Силвана Бонева, актуелна пратеничка од ВМРО-ДПМНЕ во Собранието на РМ ги вработи: својот сопруг Александар Бонев во ЈП Паркови и зеленило во Скопје, деверот Горен Бонев во Министерството за земјоделство. Поранешната пратеничка Соња Гелова Стојанова лично се вработи како директор во Агенцијата за ревизија, а својот сопруг Љупчо Стојанов го вработи како раководител во УЈП.

Поранешниот пратеник Слободан Ќосев лично се вработи како директор на ЈП Паркови и зеленили во Скопје, а својата внука Елена Ќосева ја смести во Заводот за рехабилитација во Бања Банско. Неда Бјадова, портпаролка на ОК на ВМРО-ДПМНЕ  се вработи во Службата за имотно-правни односи, а нејзината мајка ја вработи на Универзитетот „Гоце Делчев“. Павлина Георгиева е вработена како директор на Центарот за вработување во Струмица, синот Александар Георгиев во Медицински центар во Струмица, а сестрата Лимонка со завршен факултет за физичка култура ја вработија во УЈП.

Слушнете за актуелниот министер за внатрешни работи, Митко Чавков кој ги вработи: Сопругата Чавкова Јасмина која претходно работела како дектилограф, а вонредно завршила на ФОН добила раководна функција во Секторот за гранични работи и миграција во МВР. Снаата Данче Чавкова е вработена како раководител на отсекот за крипто-заштита, а внукот на министерот, Илија Николов е заменик началник на СВР – Струмица. Внуката од првиот братучед Зекирска Јасмина, полицаец со вонредно тригодишно образование во СВР – Струмица, е унапредена за инспектор за економски криминал. Првата братучетка на Јасмина Чавкова, Бистра Глигорова е вработена како началник на Одделението за заеднички работи. Првиот братучед на Јасминка Чавкова, Драганчо Трендафилов е вработен како раководител на Отсекот за крим техника. Другарот на министерот Чавков, Трајан Николов е заменик началника на СВР – Струмица, а неговиот син е вработен во СВР Струмица. Синовите на другарот на Митко Чавков – Драги Стојменов, Марјан и Дејан се вработени во СВР Струмица… И така натаму и така натаму…

Ова не е непотизам. Ова е класична окупација на институциите на системот од страна на кадрите на Груевски и ВМРО-ДПМНЕ.

Затоа, ВМРО-ДПМНЕ нема ни морално ни професионално право да зборува за Општина Струмица, којашто работи исклучиво по закон, а администрацијата во општината е професионална и транспарентна.

Во извештаите на Европската Унија, на ОБСЕ/ОДИХР критики има злупотребите што ги прави власта на Груевски со државната администрација и ВМРО-ДПМНЕ нека тргне од таму.

Видео: Струмицанет