Почетна Струмица Њуз

Струмица најзагаден град во последните 24 часа

Со измерени 670 микрограми на метар кубен, Струмица е најзагаден град во последните 24 часа во Македонија.  Во главниот град во последното деноноќие, се измерени максимални 584 микрограми на метар кубен ПМ10 честички во Лисиче.

Високи отчитувања покажаа мерењата на сите мерни станици во Скопје. Кај Ректорат ПМ10 честичките синоќа се искачија до 362 микрограми на метар кубен, 313 во Карпош, 250 во Гази Баба, 202 во Центар, а највисоката измерена вредност на ПМ10 честички во Миладиновци во последните 24 часа беше 201.

Загадено беше и во другите градови во Македонија. Во Битола беа измерени 355 микрограми ПМ10 честички на метар кубен, во Тетово максимумот беше 219, 165 во Кичево, 473 во Куманово, 461 во Кавадарци и 162 во Кочани.

Утрово повторно најзагаден град е Струмица со 187 микрограми на метар кубен. Во Лисиче во 10 часот беа измерени 213 микрограми на метар кубен, 156 во Центар, 139 во Карпош, 150 во Гази Баба, 192 кај Ректорат, 108 во Миладиновци, 101 и 85 на мерните станици во Битола, 132 во Тетово, 69 во Кочани, 55 во Кавадарци, 109 во Куманово.